Најдобрата македонска тенисерка ќе игра за титулата во Куршумлиска Бања!

Лина Ѓорческа доминантно обезбеди место во финалето на турнирот во Куршумлиска Бања и утре ќе игра за освојувањето на титулата.

Најдобрата македонска тенисерка денес убедливо ја совлада Кристина Дину со 2:0 во сетови. Ѓорческа од самиот почеток ја најави победата, а првиот сет го освои со 6:4. Во вториот сет заигра уште подобро и на Романката и дозволи да освои само два гема (6:2).

Веќе е познато дека во битката за титула во финалето Ѓорческа ќе се сретне со руската тенисерка, Јулија Адеева.