Најави ли Ибрахимовиќ враќање во репрезентацијата?

Златан Ибрахимовиќ се прости од репрезентацијата после Европското првенство во 2016 година, не настапи во квалификациите за Мундијалот 2018, а рекордер е по бројот на настапи (116) и голови (82) за селекцијата на Шведска.

Во последната својата изјава Ибра сепак порача дека можеби повторно ќе заигра за репрезентацијата.

„Ми недостасува репрезентацијата. Кога си играл 20 години за селекцијата и гледаш дека другите се уште го прават тешко е. Вратата не е затворен“, изјави Ибрахимовиќ.

Ибрахимовиќ е надвор од терените од ноември поради повреда, оваа сезона одигра само два натпревари после шестмесечната пауза поради операцијата на коленото.

„Тешеко е кога си повреден, сакаш да играш и за клубот и за репрезентацијата.  Но, морам да ја прифатам ситуацијата и да се борам, ништо друго не ми преостанува“, заврши напаѓачот на Манчестер Јунајтед.

Да потсетиме, Шведска изненадувачки ја победи Италија во баражот и обезбеди пласман на Мундијалот кој во летото кое следи ќе се одигра во Русија.