Нашата најдобра судиска двојка ќе го суди домашното дерби

Најдобрите македонски клубови во овој момент Вардар и Е.Пелистер ќе се сретнат за првпат оваа сезона.

Утре во „Јане Сандански“ ќе гостува битолскиот тим, а Ракометната федерација на Македонија за овој натпревар ја избра нашата најдобра судиска двојка, Славе Николов и Ѓорги Начевски.

Двата најдобри македонски клуба ќе играат во рамките од третото коло во шампионатот, а двете екипи до сега имаат по две победи.

Натпреварот се игра со почеток во 17:00 часот.