Наскоро и официјална потврда: Мануел Пелегрини се враќа во Премиер лигата

Чилеанскиот стручњак Мануел Пелегрини изминатите две сезони ги помина во Кина на клупата на Хебеи Фортун, а сега се враќа во Европа!

Имено, овој поранешен тренер на Реал Мадрид и Манчестер Сити за времето поминато во Кина заработи околу 20 милиони евра.

Веќе некое време се пишуваше дека Пелегрини има желба да се врати во Европа, како негов нов клуб се споменуваше Севиља, но сепак тренерската кариера ќе ја продолжи во Англија.

Последните информации говорат дека Пелегрини се договорил со тимот на Вест Хем со кој ќе потпише договор на три години. Ваквите информации наскоро би требало и официјално да биде потврдено.

Иначе, Пелегрини и тоа како има искуство во Премиер лигата бидејќи со Манчестер Сити стигна до титулата во 2014 година, а „граѓаните“ ги предводеше и до два трофеи во Лига Купот.

#PremierLeague | #WestHam, #Pellegrini sarà il nuovo allenatore: intesa per un triennale, la firma nei prossimi giorni https://t.co/EmzhnDaTGz

— Gianluca Di Marzio (@DiMarzio) May 19, 2018