Наполи со барање до федерацијата: Да се повтори натпреварот Интер – Јувентус!

ФИФА таков преседан направи во квалификациите за Мундијалот, но тешко е да се верува дека италијанскиот сојуз би можел да го направи истото.

„Спортска измама“ таков е насловот на барањето кое наполитанските адвокати Анџело и Серџо Писани го испратија до сојузот.
Локалните медиуми пишуваат дека голем број сограѓани потпишале петиција со која се бара натпреварот помеѓу Интер и Јувентус да биде повторен.

„Судењето ги наруши принципите на спорот, не е во прашање само Наполи. Сите во Италија се згрозени од она што се случи. Поради тоа фудбалската федерација би требало да постапи како ФИФА и да го поништи натпреварот“, пишува во барањето доставено до сојузот.

Да потсетиме, поради лошото судење ФИФА го поништи натпреварот помеѓу Јужна Африка и Сенегал во квалификациите за Мундијалот во Русија.