Наполи против Звезда без човекот кој постигна 56 гола за две сезони?

Лоши вести пристигнуваат за Наполитанците пред натпреварот против Ц.Звезда идниот вторник во рамките од Лигата на шампионите.

Имено, локалните медиуми во Неапол пишуваат дека еден од најдобрите фудбалери на овој клуб би можел да го пропушти гостувањето во Србија.

Во прашање е одличниот напаѓач Дрис Мертенс.

Мертенс во репрезентативните обврски за Белгија го повреди рамото. Повредата не е сериозна, но наводно Анчелоти нема да ризикува со него во првиот натпревар од групната фаза против српскиот претставник.

Белгиецот во претходните две сезони постигна 56 голови во сите натпреварувања и беше ударна „игла“ со Инсиње и Калјехон.