Нагелсман доби отказ, Тухел е нов тренер на Баерн

Баерн Минхен донесе изненадувачка одлука и му даде отказ на тренерот Јулијан Нагелсман.

Поразот од Баер Леверкузен минатиот викенд ги натера главните луѓе на клубот да направат промена пред новите предизвици до крајот на сезоната.

Баерн ќе се бори за титулата во Бундеслигата, но и трофејот во Лигата на шампиони,  а за нов тренер го назначи Томас Тухел.

Поранешниот стратег на Борусија Дортмунд, ПСЖ и Челзи, Томас Тухел постигнал договор и синоќа официјално беше назначен за нов кормилар.