Навивачите на Барселона нема да бидат среќни кога ќе видат во чија куќа денеска се наоѓа Ламин Јамал

Ламин Јамал преку ноќ стана еден од најпопуларните спортисти во светот. Тој се уште ужива во паузата пред почетокот на новата сезона со Барселона, а на навивачите на каталонскиот клуб нема да им се допадне кога ќе видат каде се наоѓаше денеска Јамал.

Јамал до пред една година беше тотално анонимен во светот на фудбалот, а потоа Чави Ернандез му даде шанса на тогаш 16-годишниот вундеркинд од Ла Масија во првиот тим на Барселона, што беше полн погодок.

Јамал во својата прва сезона успеа да покаже дека е неверојатен талент, а неговиот живот целосно се промени.

Јамал имаше неколку одлични настапи за Барселона, но круната дојде летово кога беше еден од најдобрите играчи на Шпанија на Европското првенство во Германија.

17-годишниот фудбалер се уште е на заслужен одмор, но се очекува наскоро да се приклучи на подготовките на Барселона за новата сезона.

За време на одморот Јамал беше во центарот на вниманието каде и да се појави, а многумина се обидоа да добијат фотографија и автограм со ѕвездата на Барселона.

И денеска се најде во центарот на вниманието поради фотографијата која се појави, а фановите на Барса не беа баш најсреќни кога видоа во чија куќа е нивниот миленик.

Имено, Јамал за време на неговиот одмор престојувал во куќата што ја изнајмил Кристијано Роналдо и наводно дошол таму за да му ја исполни желбата на својот син Кристијано Јуниор кој сакал да го запознае играчот на Барселона.

На крајот Јамал и Кристијано Јуниот се фотографираа, а фотографијата набрзо се појави на социјалните мрежи.

😳 CRISTIANO JR & LAMINE YAMAL

🌟 El hijo de Cristiano Ronaldo y la joya del Barça, ¡JUNTOS!

Vía 'hustle_hard_304' (en Instagram). pic.twitter.com/IUzh0mKdZi

— El Chiringuito TV (@elchiringuitotv) August 2, 2024

Шпанските медиуми пишуваат дека се се случило во куќата која Роналдо ја изнајмил за време на неговиот одмор, но напишаа дека тоа е непроверена информација.

Како и да е, споменатата фотографија не им се допадна премногу на навивачите на Барса и многумина порачаа дека е време Јамал да го заврши одморот и да почне да се подготвува за новата сезона која ќе започне наскоро.