Навивачите на Арсенал ќе го обожаваат Емери бидејќи го мрази Мурињо

Унаи Емери до крајот на неделата ќе биде именуван за нов кормилар на Арсенал, убедени се англиските медиуми.

Шпанецот го напушти ПСЖ и веќе постигнал договор со „топџиите“, кој ќе биде потпишан во наредните денови.

Она што им се допаѓа на навивачите на Арсенал е сигурно неговиот однос со Жозе Мурињо.

Нивниото „нетрпение“ трае уште од 2010 година кога „Специјалниот“ работеше во Реал Мадрид, а Емери во Валенсија. После една победа на „кралевите“ од 1:0, Мурињо беше незадоволен и посочи дека судијата направил 13 грешки.

Емери после натпреварот даде многу интесна изјава и го нарече Португалецот „бебе кое постојано плаче“.

„Однесувањето на Мурињо е исто како она на бебе кое плаче. И ние имаме причина да се жалиме и да правиме список на судиски грешки“, изјави Емери.