Навивачите можат да слават: Манчестер Јунајтед го отпушти Тен Хаг и потврди кој ќе го води тимот!

Ерик Тен Хаг повеќе не е тренер на Манчестер Јунајтед, потврди клубот од „Олд Трафорд“.

Тврдеше Тен Хаг на последните прес-конференции дека ја има довербата од раководството, но денеска пристигна потврдата за неговиот отказ.

Отказот за Тен Хаг кој го водеше тимот од 2022 година доаѓа по вчерашниот пораз од Вест Хем во Премиер лигата. Од своето доаѓање на клупата Тен Хаг со Јунајтед освои трофеи само во Карабао Купот и ФА Купот што секако е далеку од очекувањата и апетите на навивачите.

Привремено тимот до пронаоѓањето на конечно решение ќе го предводи досегашниот помошник Руд Ван Нистерлој.