Мурињо: Ќе ја освојам Лигата на шампиони со Јунајтед!

Жозе Мурињо беше мета на големи критики после елиминацијата од Севиља во осминафиналето од Лигата на шампиони.

Сепак, „Специјалниот“ не се предава и јасно истакна дека неговата намера е да го освои најпрестижниот трофеј со Манчестер Јунајтед.

„Постојат клубови кои трошат многу повеќе од нас, но сепак тоа не е најважно. Тоа не значи дека ние не можеме да постигнеме голем успех“, изјави Мурињо.

„Ја освоив ЛШ со Интер, а на турнирот беа Реал и Барса, каде играат Роналдо и Меси. Во Реал имав сè, но не успеав да го освојам турнирот. Мислам сепак, дека можам да го освојам со Јунајтед овој трофеј, и мислам дека повторно ќе се бориме за титулата. Нема сомнение за тоа“, заклучи „Специјалниот“.