„Мурињо ќе биде еден од најважните тренери во историјата на Рома“

Директорот на Рома Тиаго Пинта истакна дека Жозе Мурињо може да биде еден од најважните тренери во историјата на клубот.

„Не можам да кажам дека сме задоволни, знаеме дека мораме подобро. Резултатите во изминатиот месец беа лоши, но сигурен сум дека она што го правиме, како и водењето на Мурињо во иднина ќе носат резултати“, изјави Пинто.

После 12 кола Рома е на шестата позиција со 19 бодови.

„Немаше да биде можно да го доведеме Мурињо ако не сме поврзани со заедничка стратегија. После четири месеци работа сигурен сум дека тој е вистинскиот избор и дека ќе биде еден од најважните тренери во историјата на Рома“, порача Пинто.