Мурињо ја откри „вистината“ за односот со Погба

Менаџерот на Манчестер Јунајтед, Жозе Мурињо продолжува да тврди дека нема проблем со Пол Погба.

Англиските медиуми објавија дека „Специјалниот“ го предупредил Погба да не зборува јавно и доколку сака да замине да побара трансфер.

„Вистината е дека работиме заедно две години и неколку недели. Никогаш не сум бил посреќен со Погба отколку сега“, изјави Мурињо пред мечот со Брајтон.

Погба беше капитен за „црвените ѓаволи“ и постигна гол во првото коло од Премиер лигата против Лестер.

„Ве молам немојте да го поставувате во ситуација во која луѓето ќе мислат дека не е интелигентен. Јас и Погба никогаш не сме се расправале и размениле тешки зборови. Немам никаков проблем со него“, заклучи Португалецот.

Jose confirms @PaulPogba will captain #MUFC on Sunday and says "I couldn't be happier with him than I am now." pic.twitter.com/1qIGsoKzMB

— Manchester United (@ManUtd) August 17, 2018