Мурињо: Со толку бодови требаше да се бориме за титулата, но Сити…

Манчестер Јунајтед утре му гостува на лидерот на табелата Манчестер Сити, кој може да ја освои титулата при победа во дербито.

Мурињо пред натпреварот уште еднаш потврди дека целта е второто место и дека е далеку од титулата само поради исклучителната сезона на „граѓаните“.

„Нашата цел е да завршиме на второ место. Се уште местото во четворката не ни е гарантирано математички. Тоа е нашата прва цел, но откако ќе го загарантираме местото нема да се кријам. Следната сезона исто е дали ќе завршиме втори, трети или четврти ако не ја освоиме титулата“, изјави Мурињо.

„Погледнете ги бодовите кои ги имаме. Во друг случај би биле во борба за титулата, не не сме, бидејќи Сити освои неверојатен број на бодови. Тоа ги направи работите тешки за останатите клубови“, заклучи Португалецот.