Мурињо по доаѓањето во Тотенхем му испратил порака на Кејн

Португалскиот стратег вчера ја имаше првата прес-конференција како нов тренер на Тотенхем.

Мурињо одработи два тренинзи со екипата на Тотенхем, а дебито во клубот ќе го има за викендот кога овој тим му гостува на Вест Хем.

На клупата на Тотенхем Мурињо пристигна на местото на Маурисио Покетино кој во вторникот доби отказ. Според пишувањето на англиските медиуми Мурињо по доаѓањето прво му испратил СМС порака на Хари Кејн.

Јасно е дека Кејн е најдобар играч на Тотенхем, но се повеќе се шпекулира дека сака да го напушти клубот. Мурињо сигурно ќе се обиде тоа да го спречи, па веднаш се „фрлил“ на работа.

Лондонски „Тајмс“ објави дека Мурињо му испратил СМС порака на Кејн во која пишувало: Ти си најдобар напаѓач во Европа. Остани во Тотенхем заедно да освојуваме трофеи.