Според последната изјава на Жозе Мурињо по вчерашното реми со Салернитана, Рома ќе биде без Паоло Дибала во финалето од Лигата на Европа против Севиља.
Дибала дефинитивно е најдобриот фудбалер на Рома сезонава, но Аргентинецот се мачи и со повреди, посебно во финишот од сезоната. Дибала не беше во комбинација за дуелот со Салернитана, а сигурно нема да игра и против Фиорентина во следното коло.
Кој ќе тепа на Ел Класико!? ↓↓↓
Новинарите на прес-конференцијата по дуелот со Салернитана кој заврши без победник 2:2 го запрашаа португалскиот стратег за ситуацијата со напаѓачот.
„Ситуацијата на Дибала? За жал не сум оптимист, најверојатно ќе го пропушти финалето“, кратко одговори Мурињо.
Финалето во Будимпешта на 31-ви мај ќе биде прилика за Мурињо да стигне до својот втор европски трофеј во низа со „волчицата“ откако минатата година ја освои Конференциската лига.
Учество во игри на среќа е дозволено за лица со 18+ години. Играј одговорно!