Мурињо во трка со времето – Во Јунајтед вистинска „болница“ пред натпреварот со Севиља

Maнчестер Јунајтед во среда и гостува на Севиља во првиот натпревар од 1/8 финалето во Лигата на шампионите.

Пред оваа средба Жозе Мурињо се соочува со сериозни проблеми. Имено, под знак прашалник за оваа средба поради повреди се неколкумина фудбалери на Јунајтед.

Мурињо за овој натпревар сигурно нема да може да смета на Фил Џонс и Маркос Рохо, го нема ниту Фелаини, а под знак прашалник е и настапот на Андер Ерера, Маркус Рашфорд, Валенсија

Се очекува Пол Погба да биде спремен за оваа средба откако го пропушти натпреварот во купот против Хадерсфилд, додека Златан Ибрахимовиќ и понатаму е надвор од тимот.

„Специјалниот“ се надева дека ќе може да смета на Рашфорд и Еерера, па и Валенсија, но потенцираше дека Фелаини, Златан, Рохо и Џонс сигурно нема да настапат.