Може ли сепак да дојде до компромис?

Лео Меси не се откажува од намерата да замине од Барселона иако клубот не сака да го пушти.

Аргентинецот силно сака да замине, а вчерашните преговори не донесоа ништо ново, но се очекува денеска да бидат продолжени.

TyC Sports објави дека постои огромна можност Лео Меси да ја одигра и наредната сезона во дресот на Барселона и на крајот да замине како слободен играч од клубот.

Сепак, таквата опција сигурно нема да го задоволи клубот, а британски Телеграф има информации според кои Меси сепак ќе замине.

Наводно, може да дојде до компромис од двете страни. На Меси ќе му биде дозволено да замине од клубот, а поставена е цела од “само“ 100 милиони евра.

Тоа нормално е одлична прилика за сите клубови кои сакаат да го донесат во своите редови. Моменталната целан од 700 милиони евра е секако преголема и невозможна за било кој, а новата би го зголемила бројот на клубови кои можат да го ангажираат.

Продолжување на преговорите за заминување на аргентинската ѕвезда се закажани за денеска и ќе видиме дали навистина ќе дојде до компромис.