Можен состав: Ристовски се враќа во тимот, Милевски нема опции многу да менува

Репрезентацијата на Македонија денес игра натпревар против Исланд за бараж за Мундијал.

Го пречекуваме Исланд во Скопје и одново може да се почувствува фудбалска еуфорија. Селекторот Благоја Милевски како што стојат работите не би требало нешто многу да менува во однос на дуелот со Ерменија во Ереван. Стефан Ристовски ќе се врати во тимот по суспензијата и ќе го стави селекторот на „слатки маки“ затоа што Ашковски беше одличен во Ереван.

Сепак, ќе биде големо изненадување ако капитенот Ристовски не стартува, за Ашковски ако Милевски сака да му даде шанса по одличниот меч веројатно ќе бара друга позиција.

Одбраната ќе бида стандардна со Муслиу, Велковски, Алиоски и Ристовски, во средината ќе бидат Барди и Костадинов. Третиот играч е дилема. Можно е да игра Елмас како против Ерменија, заедно со Трајковски, Чурлинов и Ристовски.

Но може Елмас да оди на крило на местото на Трајковски, а на негово место но во средината да стартува Спирковски во една не толку офанзивна варијанта. На што и да се одлучи селекторот едно е јасно – Македонија ќе нападне.