Можат ли Елмас и дружината да му ги расипат сметките на „кралот“

Денес продолжуваат натпреварите во Лигата на шампиони, а ние за вас ќе го анализираме дуелот помеѓу Реал Мадрид и Лајпциг.

Реал сака рутински да ја заврши работата

Лигата на шампиони е во ДНК на Реал Мадрид и „кралевите“ секоја година атакуваат на најпрестижниот трофеј. И оваа сезона се еден од најголемите фаворити во Лигата на шампиони, а тоа го потврдија со игрите во групната фаза. Тимот на Анчелоти се наоѓа во одлична форма, а полека се решава проблемот со повредени фудбалери. На првиот дуел во Германија Реал покажа дека знае да игра големи и важни натпревари, па играше внимателно и запиша победа од 1:0. Тоа му овозможува комотна позиција во реваншот и треба рутински да го завери пласманот во четвртфиналето. Тоа воопшто нема да биде лесно бидејќи германските клубови не се предаваат и Реал треба да биде внимателен.

Лајпциг не го кажал последниот збор

Лајпциг веќе втора сезона игра стандардо добро во Лигата на шампиони, но немаше среќа во ждребот. Без поголеми проблеми успеа да ја мине групната фаза, иако воопшто немаше лесна група. Запиша два порази од Манчестер Сити, но и во тие натпревари покажа дека сака да се надигрува и не се плаши од никого. Меѓутоа, овој натпревар не доаѓа во добар момент за Лајпциг, бидејќи тимот е во лоша форма. Во првиот меч одигра добро, но не ги искористи шансите, па беше сурово казнет. Во овој меч нема да влезе со кренато „бело знаме“ и ќе се обиде да ја искористи секоја шанса да му ги расипе плановите на Реал Мадрид. Лајпциг е аутсајдер на овој меч, па нема што да загуби и може само да добие.

Очекување

Реал Мадрид е голем фаворит на овој меч, но Лајпциг нема да се предаде и очекуваме отворен дуел и вистинско надигрување на двата тима кои играат отворен фудбал.