Многумина беа изненадени кога Барса го доведе, а сега Каталонците му спремаат нов договор

Управата на Барселона ќе го награди Артуро Видал со нов договор, јавуваат шпанските медиуми.

Кога Чилеанецот потпиша за Барселона многумина беа изненадени се прашуваа дали воопшто е потребен. Едно период добиваше и критики се шпекулираше дека ќе замине, но сега работите се променети и Видал стана еден од по стандардните играчи кај Валверде.

Видал денес е лидер во соблекувалната и соиграчите го обожаваат поради атмосферата која ја прави, но факт и дека со својот карактер е од голема помош кога е на теренот. Поради тоа со текот на времето стана и еден од милениците на Валверде и тоа доведува до – обновување на договорот.

Во својот договор кој важи до 2021 година Видал има опција да го продолжи на уште една сезона, а шпански „Спорт“ пишува дека Каталонците сакаат тоа да го искористат и да го наградат за начинот на кој се интегрираше во новата екипа.

„Еден од големите квалитети на Видал е што дава се од себе и што се труди повеќе од останатите“, изјави неодамна тренерот на Барселона, Ернесто Валверде.

Оваа сезона Видал за Барселона одигра 29 натпревари во првенството и постигна два погодоци, а на своето конто додаде и пет асистенции.

Ќе потсетиме, пред да дојде во Барселона играше за Баерн, Јувентус, Баер Леверкузен и матичниот Коло Коло.