Михајловиќ синоним за ДРАМА: Овојпат Љајиќ заврши на трибините?!

Еден час пред почетокот на дуелот на „Олимпико“ двајцата тренери ги објавија составите, а во стартниот состав на Торино беше и Адем Љајиќ.

Но, кога натпреварот започна, српскиот репрезентативец не беше на теренот, а местото наместо него во составот го зазеде Алекс Беренгуер.

Според пишувањата на италијанските медиуми, Љајиќ останал на трибините бидејќи пред самиот почеток на натпреварот се судрил со Синиша Михајловиќ. Се уште не е позната причина поради нивната расправија, а се чини дека подебелиот крај го извлече Љајиќ.

Така беше и пред неколку години, кога селектор на Србија беше токму Михајловиќ. Љајиќ одби да ја пее химната на својата репрезентација, што му пречеше на Михајловиќ. Потоа тој не доби позиви за националниот дрес додека Михајловиќ ја предводеше клупата на Србија.