Милевски добил „шут карта“ од ФФМ?!

Порталот „Спорт1“ повикувајќи се на извори блиски на Фудбалската федерацијата на Македонија објави дека селекторот Благоја Милевски добил отказ.

Во последниот квалификациски циклус Македонија претрпе два порази од Украина и Англија. Украинците со пресврт не победија во Скопје, додека Англија ни нанесе историски дебакл на „Олд Трафорд“ од 7:0.

Играта на Македонија под водство на Милевски веќе подолг период не е за пофалба, а ниту резултатите, па поразот од Англија беше веројатно кулминација.

„Членови на раководството на ФФМ на Милевски му ја соопштиле одлуката дека повеќе не е кормилар на националниот тим, но потврда за смената се очекува да има до крајот на оваа недела, за кога е закажан состанок на Управниот одбор на куќата на фудбалот“, објави „Спорт1“.

Јавноста жестоко критикуваше по тој дебакл од Англија и бараше оставка од Милевски кој истакна дека и понатаму ќе биде селектор, а останува во наредните денови да видиме дали оваа вест ќе биде и потврдена.