Милевски денес добива отказ?

Столчето на селекторот на македонската фудбалска репрезентација, Благоја Милевски сериозно се тресе, а отказ би можел да заработи уште денеска.

Бурни се реакциите на јавноста откако капитенот Стефан Ристовски се повлече од националниот дрес потврдувајќи дека една од причините е лошиот однос со Милевски.

Денес ќе се одржи седница на УО на ФФМ на која би требало да се решава иднината на селекторот. Засега повеќе веројатно е дека ќе има промена.

Неодамна српските медиуми повикувајќи се на свои извори тврдеа дека Црногорецот Миодраг Божовиќ-Гроф ќе биде новиот селектор, додека претходно се споменуваше името на Гоце Седлоски.

Најголем дел од јавноста бара заминување на Милевски поради лошите резултати, а незадоволството кулминираше со дебаклот против Англија од 7:0 на гостински терен.

Не е познато и дали ако има смена на селекторската позиција, Ристовски веднаш ќе се врати во националниот дрес. Останува да почекаме да видиме што ќе се случува денес…