Милан ја зголеми понудата до Леао

Милан и Рафаел Леао се блиску до договор за продолжување на соработката, откако „росонерите“ ја зголемија понудата, пренесува „Скај Италија“.

Преговорите помеѓу Милан и Леао за продолжување на соработката траат веќе подолго време, но сега двете страни се блиску до договор.

Леао има договор до 2024 година и е на мета на многу европски гиганти, но Милан ги одби сите понуди бидејќи сака да го задржи Португалецот.

Милан спреми нова понуда од 7 милиони евра годишно плус бонуси, притоа „росонерите“ се спремни да му дадат бонус од 5 милиони при потпис.

Леао сака да остане на „Сан Сиро“ и се очекува наскоро да стави потпис на нов договор.