Милан тргнува по новата мексиканска ѕвезда

Главна цел на Милан во летниот преоден рок ќе биде доведување на врвен напаѓач кој ќе може да биде замена за Оливие Жиру.

Најново име на списокот на „росонерите“ е напаѓачот на Феенорд, Сантијаго Гименез. Мексиканецот со своите партии го привлече вниманието на многу европски гиганти.

Меѓутоа, на Милан воопшто нема да му биде лесно да ја победи конкуренцијата, бидејќи за Мексиканецот интерес покажуваат уште Реал Мадрид, Челзи и ПСЖ.

Мексиканецот оваа сезона на 33 меча постигна 23 гол и запиша 5 асистенции, а Милан верува дека ќе биде идеално решение за нападот во иднина бидејќи Гименез има само 22 години.