Милан подготвува понуда за играчот на Мурињо

Според извештаите од Англија, Милан сака да го купи десниот бек на Тотенхем, Серж Орие.

Милан и претходно беше заинтересиран за репрезентативецот на Брегот на Слоновата Коска, но тогаш клубовите не успеаја да се договорат за цената, а сега тимот од Сан Сиро подготвува нова понуда.

До крајот на месецот, Милан би можел да понуди 15 милиони фунти за 27-годишниот Орие, но прашање е дали тоа може да го промени ставот на челниците на Тотенхем.

Стефано Пиоли сака нов десен бек незадоволен од игрите на Андреа Конти и Давиде Калабрија.

Орие дојде во Тотенхем од ПСЖ за 25 милиони фунти летото 2017 година.