Милан му нуди нов договор на Биглија, но под еден услов

Раководството на Милан е спремно да му предложи продолжување на договорот на Лукас Биглија, но само доколку Аргентинецот се согласи на помала плата, пренесува „Газета дело Спорт“.

Весникот пренесува дека агентот на играчот, Енцо Монтепаоне синоќа пристигнал во Милано, па се очекува денес да има средба со раководството на „росонерите“.

Актуелниот договор на Биглиа истекува на крајот на следната сезона, а во моментов неговата плата изнесува 3,5 милиони евра по сезона. Медиумите тврдат дека и покар силниот интерес кон него од страна на Бока Јуниорс и Марсеј, Аргентинецот сака да остане во Милано.

33-годишниот играч за врска оваа сезона одигра само 14 меча бидејќи долго време паузираше поради повреда, а во последно време го загуби местото во стартниот тим од Бакајоко.

Милан е спремен да му предложи нов тригодишен договор, но со помала плата, па останува да видиме дали Биглија ќе се согласи на тоа. Во спротивно, ако не стави потпис на нов договор ова лето ќе го напушти „Сан Сиро“.

Milan will only propose a contract extension to Biglia on the basis of him reducing his salary. Lucas' current contract is worth €3.5M/year and it expires in June 2020. Biglia's desire is to remain at Milan, despite the strong interest from Boca Juniors.

[Gazzetta dello Sport] pic.twitter.com/i1mJfluIse

— TheMilanBible (@TheMilanBible) April 18, 2019