Милан купи нов голман

Тимот на Милан успешно ги завврши преговорите за доведување на Марко Спортиело, голманот на Аталанта.

Искусниот 31-годишен голман ќе се пресели во Милан откако го загуби првотимскиот статус во Аталанта.

Преговорите брзо завршиле па Спортиело веќе ставил потпис на тригодишен договор кој ќе стапи на сила од 1. јули. Спортиело во Милан ќе има плата од 500.000 евра, а во Милан доаѓа на местото на Татарушани кој како слободен играч ќе го напушти „Сан Сиро“.

На голот на Аталанта, Спортиело бранеше на 123 натпревари во период од 2017-та до 2019-та, потоа имаше успешни настапи и на позајмиците во Фиорентина и Фросиноне. Сезонава тренерот Гасперини не сметаше сериозно на него и му даде шанса само на 13 натпревари во сите натпреварувања.

Спортиело секако е свесен дека и во Милан доаѓа да биде резерва на одличниот Мањан.