Милан има „план Б“, ако Ибра каже НЕ

Милан веќе неколку недели работи на трансферот на Златан Ибрахимовиќ, кој би требало да пристигне на крајот на овој месец како слободен агент.

38-годишниот Ибра моментално е слободен играч откако му заврши договорот со ЛА Галакси, и на маса има неколку понуди од европски клубови.

Милан веќе испрати понуда до неговиот агент, 6 милиони евра за 18 месеци, и сега се чека конечниот одговор на голгатерот.

Ибрахимовиќ ги информирал челниците на италијанскиот гигант дека до крајот на декември ќе ја донесе конечната одлука.

Во меѓувреме, „росонерите“ имаат план Б во случај Ибра да ја одбие нивната понуда. Прва алтернатива е Марио Манџукиќ, кој е на излезна врата од Јувентус, а другата алтернатива е Лука Јовиќ, кој не добива голема минутажа во Реал Мадрид.

If Zlatan Ibrahimovic doesn’t come to Milan, these are AC Milan second choices: Giroud (Chelsea), Jovic (Real Madrid), Mandzukic (Juventus). Which one would you wanna see in a AC Milan jersey?? #ForzaMilan https://t.co/5kauAgJNzy

— Inside Milan (@_InsideMilan) November 30, 2019