Милан издоминира во изборот на најдобрите во Серија А

Во сенка на манифестацијата во Париз каде што се доделуваше „Златната топка“ награди се доделуваа и во Италија.

Сосема и очекувано гала вечерта во Италија помина во доминација на фудбалерите од таборот на „росонерите“. Исто така за тренер на сезоната беше избран Стефано Пиоли. Најдоброт играч и најдобриот голман исто така доаѓаат од Милан, Рафаел Леао и Мајк Мањан.

Голот на сезоната го има бекот на „росонерите“ Тео Ернандез. Федерико Гати кој сега е во редовите на Јувентус беше избран за најдобар млад играч во Серија Б.

ТИМ НА СЕЗОНАТА: Мањан, Ди Лоренцо, Томори, Бремер, Тео Ернандез, Милинковиќ-Савиќ, Брозовиќ, Барела, Леао, Имобиле и Влаховиќ.

За најдобар судија беше избран Даниеле Орсато.

Во женска конкуренција наградата за играч на сезоната заврши кај Лиза Боатин, Мартин Росучи го доби признанието за гол на сезоната.

ЖЕНСКИ ТИМ НА СЕЗОНАТА: Пејрауд-Мањин, Боатин, Линати, Лензини, Филањери, Симонето, Карузо, Андреса, Греги, Бергамачи, Канторе.