Милан веќе го најде наследникот на Ибра

Главна трансфер цел на Милан следното лето ќе биде напаѓачот на Торино, Андреа Белоти.

Милан во 2017 година понуди 60 милиони евра за Белоти, но Торино тогаш ја одби понудата и напаѓачот се уште го носи дресот на „биковите“.

Торино оваа сезона се бори за опстанок, а Белоти е единствена светла точка во тимот, но веќе го известил раководството дека сака да ја промени средината.

Познато е дека Белоти е голем навивач на „росонерите“, а Милан се уште покажува интерес за неговиот потпис.

„Росонерите“ сакаат долгорочно решение во нападот бидејќи Ибрахимовиќима полни 39 години и во Белоти гледа идеално решение за нападот.

Белоти на лето ќе влезе во последната година од договорот и Милан е спремен да понуди 30 милиони евра за неговиот потпис.