Металурзите на чело со расположениот Кузман славеа против преполовениот Мешков Брест

Металурзите славеа во дуелот против Мешков Брест во рамки на СЕХА регионалната лига со 37:33.

Екипата на Мешков Брест дојде со преполовен тим во Скопје, со оглед на тоа дека во истовреме имаа закажан меч и во домашното првенство.

Сепак, гостите создадоа предност, па до полувремето Металург бркаше негатива, а на паузата се замина со израмнет резултат од 17:17.

Во второто полувреме, тимот од Автокоманда успеа да слави.

Најефикасен во таборот на тренерот Јовиќ беше Филип Кузмановски со десет погодоци, а Халил Јагањац постигна девет.

Металург во следното коло му гостува на Татран Прешов, а потоа во последното коло го пречекува Целје.