Дома Македонски спорт Мак ракомет Металург немоќен, машинеријата на Вардар ја обезбеди 11-та титула

Металург немоќен, машинеријата на Вардар ја обезбеди 11-та титула

Вардар

Ракометарите на Вардар го совладаа Металург 38:25 (20:13) со што ги решија сите дилеми околу борбата за шампионската титула.

Натпреварот во „Јане Сандански“ требаше да биде дерби, но само ја покажа разликата во квалитетот меѓу двата тима.


Вака се слави гол во 120-та минута!!! ↓↓↓


Металург беше конкурентен само во првата третина од првиот дел и тоа благодарение на голманот Арсиќ. Тимот од „Автокоманда“ во 11.минута водеше 5:6, момент кога Раул Гонзалес побара тајм аут, по кој Вардар постигна четири, а не прими ниту еден гол за 9:6 во 14.минута.

Од тој момент „црвено-црните“ ја зголемуваа предноста 12:8 во 17.минута, потоа 16:11 во 24.минута, 18:12 во 27.минута, односно 20:13 по првото полувреме.

Вториот дел Вардар го отвори со три гола, со кои прв пат стигна до двоцифрена предност 33:23.

До финишот на натпреварот предноста на Вардар се движеше од осум до десет голови, а во 56.минута по двата гола на Душебаев „црвено-црните“ имаа 12 голови повеќе од противникот 36:24.

Во последниот напад на мечот, Циндриќ ги постави конечните 38:25.

Вардар до триумфот кој му обезбеди нова титула, 11-та во домашниот шампионат, го предводеа Дибиров со осум, односно Карачиќ и Шишкарев со по шест гола, како и голманот Штербик со 15 интервенции.

На спротивната страна најдобар играч беше Арсиќ кој имаше 12 успешни интервенции, додека стрелците ги предводеа Илиќ со седум и Обрадовиќ со шест гола.

Коментари
Прочитајте поврзани статии
Load More In Мак ракомет

Проверете

Роби МекГаиган е нов европски шампион во снукер, Влатко Јанев донесе победа за Македонија

Викендов, со победата во финалето на С. Ирецот Роби МекГаиган над поранешниот професионале…