Меси: Тоа што јас го чуствувам за Барса вреди повеќе од било кое парче хартија

Лионел Меси по рекорден шести пат успеа да ја освои Златната топка и со тоа стана играчот со најмногу освоени вакви признаија.

Меси е свесен дека се наближува кон крајот на неговата кариера, меѓутоа тој се уште нема да се пензионира од професионалното играње фудбал.

„Знам колку години имам. Уживам во овие моменти затоа што пензијата е се поблиску. Времето брзо минува. Се надевам дека ќе играм уште неколку години. На крајот на оваа сезона ќе имам 33 години. Физички одлично се чуствувам и сакам да го имам ова чуство уште долго време“, изјави Меси.

Потоа новинарите го запрашаа за новиот договор.

„Барселона добро ме познава. Она што јас го чуствувам за овој клуб вреди повеќе од било кое парче хартија“, порача капитенот на Каталонците.