Меси потврди: одбив доживотен договор со Барселона!

Ѕвездата на Барселона, Лионел Меси не размислува да го напушти каталонскиот гигант, но не сака да се „врзе“ со доживотен договор.

Актуелниот договор на Меси му завршува за две години, но во клубот од „Камп Ноу“ се сигурни дека Аргентинецот може да игра на највисоко ниво и по Светското првенство во 2022 година.

Повторно се водат преговори меѓу претседателот на Барса, Жозеп Бартомеу и таткото на Меси, кој му е воедно и менаџер. Темата е нов договор, но Лео откри дека не сака да биде доживотен.

„Вистина е дека Барселона ми понуди доживотен договор, но јас кажав дека не сакам таква соработка. Сакам да останам здрав и да продолжам со игра, па да се борам за голови во Барселона. Таму може да бидам доживотно, но не со договор“, изјави Меси.

DailyPost Ng – LaLiga: Messi confirms he won’t sign lifetime contract at Barcelona https://t.co/awdJpvljpB pic.twitter.com/Efv3cuESba

— Afropages (@AfropagesEn) October 19, 2019