Меси: Ми недостасува ритам во играта, но моравме да го победиме Интер!

Ѕвездата на Барселона, Лионел Меси се врати после повредата и одигра клучна улога во победата на неговиот тим над Интер во Лигата на шампиони.

Меси после мечот изјави дека е уморен и дека се уште му недостасува ритам во играта.

„Уморен сум, но мило ми е што за прв пат оваа сезона успеав да ги поминам сите 90 минути. Ми недостасува ритамот на играта, но се радувам на нашата победа“, изјави Меси.

„Моравме да победиме на овој натпревар, имаме тешка група. Задачата е да го освоиме првото место, но Интер не е лесно да се победи. Тие воопшто не оставаат слободни зони помеѓу линиите“, заклучи Аргентинецот.