Меси го разгоре „огнот“ пред Ел Класико: Реал се затвора на Камп Ноу

Капитенот на Барселона, Лионел Меси ја започна психолошката „војна“ на еден ден пред Ел Класико.

Меси истакна дека на Барселона и е полесно да победува на „Сантиаго Бернабеу“, бидејќи на нивниот стадион „кралевите“ играат дефанзивно.

„Кога играме на „Бернабеу“, ние добиваме повеќе простор. Тие играат поотворено бидејќи имаат обврска да напаѓаат како домашен тим, а и нивните навивачи ги обврзуваат на тоа. Кога играат на „Камп Ноу“, се одлучуваат за друг пристап, играат затворено и чекаат поназад, користејќи ги контрите со нивните брзи играчи во нападот“, истакна Меси.

„На „Бернабеу“ се игра отворено сите 90 минути и затоа ние добиваме повеќе простор за развивање на акциите. Кога играме тука, мора многу напорно да работиме за да најдеме простор и доста е покомплицирано“, додаде Аргентинецот.

? Sólo queda 1⃣ día para #ElClásico
? Escoge tu 11 inicial y consigue la equipación!
? ?https://t.co/rOgVRWvfFE pic.twitter.com/whOZVdbzY2

— FC Barcelona (@FCBarcelona_es) December 17, 2019