Меси во договорот со ПСЖ има необична клазула

Лео Меси од вчера е играч на ПСЖ. Се претпоставува дека за ПСЖ потпиша до 2023. година со можност за продолжување на договорот за уште една година.

По сезона ќе заработува помеѓу 35 и 40 милиони евра, во зависност од бонусите. Аргентинецот на аеродромот во Париз го пречекаа илјадници навивачи.

ПСЖ направи се што можеше да го донесе од Барселона, каде Меси растеше 21 година. TyC Sports пишува дека во договорот на Меси има посебна клазула.

Станува збор за настапите во аргентинската репрезентација. На Меси секогаш му е приоритет настапот за репрезентацијата, а поради тоа ПСЖ ќе му овозможи да пропушти натпревари за клубот кога ќе се врати од репрезентативен настап.

Меси со Аргентина ова лето ја освои Копа Америка и тоа му е прв трофеј со репрезентацијата. За Аргентина одигра 151 натпревар и постигна 76 погодоци.