Месиас: Во Милан сум затоа што заслужив, доста со приказните за бајките!

Бразилскиот фудбалер Жуниор Месиас (30) максимално ја користи шансата во екипата на Милан.

Месиас зад себе има тешка приказна. Пред 10 години пристигна во Италија и работеше се што можеше за да го прехрани семејството. Работеше како градежник, потоа доставувач на бела техника, па затоа има приказна како за на филм.

Среќата му се насмевна во 2015 година кога во пониските лиги го откри Енцо Роси и го убеди да се посвети на фудбалот после сите разочарувања во кариерата. Пред две години играше во Серија Ц, а ова лето потпиша за Милан каде што пристигна од Кротоне.

Бројни медиуми ја пренесуваа тажната приказна за неговото минато, а тоа му здосадило.

„Во Милан сум затоа што заслужив. Доста ми е од приказните за бајки и што сум работел за да станам професионалец. Сега сакам само да зборувам за сегашноста и што правам денес“, порача Месиас.

🇧🇷 Junior Messias comemora
😁 Zlatan Ibrahimovic sorri
❤️ Meu coração fica quentinho#SempreMilan pic.twitter.com/fXY7Frve5Z

— AC Milan BR (@acmilanbr) December 1, 2021