Мерсисајд дерби: Евертон за Европа, Ливерпул за историја

На самиот старт од продолжувањето на Премиер Лигата ќе го следиме големото градско дерби, или Мерсисајд дербито, Евертон – Ливерпул. Ќе биде чудно едно од најголемите и најстари дербија во Англија да се следи без публика, но на теренот без разлика на се ќе не очекува голема борба.

Анчелоти го брка сонот за Лига Европа

Навивачите на Евертон немаа премногу среќни нешта во оваа тешка сезона, но барем барем можат да се израдуваат против нивниот горчлив непријател на Мерсисајд дербито на Гудисон Парк.

Во црвениот дел од градот веќе се слави титула, но оние од плавиот дел од градот ќе направат се за да им створат барем мали неповолности на ривалите.

Шефот на Евертон, Карло Анчелоти, има на својата агенда пласман во квалификациите за Лига Европа, бидејќи тој продолжува да се пробива низ остатоците од ерата на Марко Силва. Математиката не го исклучува во целост тоа, а Италијанецот јавно најави дека целта е пласман во Европа. Тие не остварија победа на последните три меча и тоа малку ги одалечи од целта, но останува да видиме дали можеби паузата ќе влијае како шок терапија во позитивна смисла за нив.

Сепак, тие се наоѓаат во добра форма дома, со седум натпревари без пораз на Гудисон. Навистина, нивниот единствен пораз на домашен терен во последните десет натпревари на Гудисон на Мерсисајд беше против Норвич со 0:2 но тоа беше во месец Ноември минатата година. Сепак, сега стадионот ќе биде празен и останува да се види како тоа отсуство на поддршка ќе влијае врз перформансите на Евертон.

Евертон има многу проблеми со повреди, особено во рбетот на тимот. Централниот бек Јери Мина е повреден, како и средното трио Морган Шнајдерлин, Фабијан Делф и Филипе Гбамин. Барем Андре Гомес имаше време целосно да се опорави од ужасната повреда и тој треба да започне на овој меч.

Титулата е на дофат, сега се бркаат рекорди

Откако УЕФА најави дека сакаат местата во Лигата на шампиони и Лигата на Европа следната сезона да бидат решени по „спортска заслуга“, беше јасно дека сезоната во Премиер Лигата е малку веројатно дека ќе биде поништена. Да беше, ќе беше најсуровиот удар за Ливерпул, кој не само што чекаше три долги децении да бидат повторно крунисани за шампиони на Англија, туку и поради фактот што доминираа на неверојатен начин сезонава.

Шефот на Ливерпул, Јирген Клоп призна дек бил под стрес, за време на периодот кога не се знаеше дали ќе продолжи сезоната. Сега неговите фудбалери добија зелено светло да продолжат да рушат рекорди во за нив импресивната сезона. Тие имаат неверојатен рекорд во Топ 5-те лиги во Европа и по 29 одиграни натпревари имаат 27 победи, нерешено и само еден пораз и тоа од Ватфорд.

Со такви возвишени цели на дофат, лесно ќе се заборави дека има многу голема локална гордост приврзана за судирот во недела. Ливерпул е без пораз на 21 натпревар против Евертон во сите натпреварувања, а веќе ги победи со 5:2 во лигата и со 1:0 во ФА Купот.

Наш предлог:

Победа на Ливерпул @ 1.59 во 1хBet