Малдини го враќа Бобан во Милан!

Милан ова лето ќе претрпи големи промени. Две клупски легенди, Леонардо и Гатузо веќе го напуштија клубот, но има најави дека ќе пристигнат нови легендарни фигури.

Паоло Малдини беше промовиран во нов технички директор и тој има за задача да го комплетира директорскиот тим.

Покрај најавите за враќање на Алесандро Костакурта во улога на тим-менаџер, денес се појави информација дека во Милан може да се врати Звонимир Бобан.

Малдини веќе неколку денови е во постојан контакт со Хрватот и настојува тој да се врати во Милан каде ќе добие директорка функција.

Бобан во моментов работи како секретар во ФИФА, но неговото семејство живее во Милано, а тој никогаш не ја криел љубовта кон Милан, па големи се шансите да се врати во клубот од „Сан Сиро“.

#Milan, #Boban prende quota: potrebbe affiancare Maldini nell’area tecnica https://t.co/4fubFS8Yjr #serieA #milan

— LaGazzettadelloSport (@Gazzetta_it) June 5, 2019