Македонија Ѓорче Петров го продолжи договорот со двајца Бразилци

Oткако ги завршија обврските на полусезоната во македонското првенство во Македонија Ѓорче Петров веднаш започнаа на средување на ростерот по мерка на Муарем Бајрам кој ги препороди „лавовите“ откако дојде на клупата.

Вчера беше објавено дека Абу Камара и Балша Бановиќ повеќе не се играчи на клубот од Ѓорче и се слободни во изборот на новата средина. Денес од Ѓорче пристигна информација за продолжување на договорите на двајца фудбалери.

Станува збор за двајцата Бразилци, Фернандо и Матеус. Двајцата ја продолжија соработката со Македонија Ѓорче Петров до 2023 година. „Лавовите“ паузата на полусезоната ја дочекаа на шестата позиција на табелата со 27 освоени бодови.

Фото: ФК Македонија Ѓорче Петров