Македонија на 18-тото место на најновата ЕХФ ранг-листа

Денес Европската ракометна федерација, ЕХФ ја објави најновата ранг листа на која Македонија се најде на 18-тата позиција.

Рангирањето на ЕХФ е според пласманот на репрезентациите на последните три големи натпреварувања, односно од 2021 до денес. Во овој период се одиграа два Мундијали и едно Европско првенство. Македонија на овие натпреварувања освои 94 бодови доволни за 18-тото место.

Ако се сметаат селекциите само од поранешната СФР Југославија, Македонија е петта зад Хрватска, Словенија, Србија и Црна Гора, а пред Босна и Косово.

На врвот Данска ја предводи листата, а потоа следуваат Шведска, Шпанија, Франција и Норвешка.