„Л’Eкип“ одново го тресе светот: Барселона се соочува со стар проблем, жртва може да биде – Нејмар!?

Бразилецот нема мир…

Откако „Л’Екип“ излезе во јавноста со информацијата за наводното местење на натпреварот помеѓу ПСЖ и Црвена Звезда во Лигата на шампионите, сега „удрија“ на првата ѕвезда на „светците“.

Имено, тие тврдат дека Нејмар е во опасност да добие затворска казна од дури шест години!

Во прашање е трансферот на Бразилецот од Сантос во Барселона, поради што каталонскиот клуб од поодамна е на удар.

Поранешниот претседател Росел и сегашниот Бартомеу биле во преговори со агенцијата „ДИС“ која го застапувала Нејмар во Сантос.

Тогаш Барселона објави дека вредноста на трансферот изнесувала 57 милиони евра, за подоцна да се појават претпоставки дека целата зделка изнесувала 83 милиони евра.

Шпанскиот суд веднаш побара случајот да биде истражен и пронајдоа многу сомнителни работи, помеѓу останатото и дека Нејмар знаел за „перењето“ на пари, па тоа го прави и соучесник.

На Пиринеите казната за такво дело изнесува и до шест години затвор. Засега некоја од страните официјално не се огласиле.