Лука Дончиќ со нов трипл-дабл испиша историја во НБА (ВИДЕО)

Со нов одличен настап Лука Дончиќ обезбеди нова победа за Далас.

Далас во Кливленд дојде до четвртата победувајќи ги Кавси со 111:131. На паркетот доминираше кој друг ако не младиот Словенец.

Дончиќ оствари трипл-дабл уфрлувајќи 29 поени, 14 скокови и 15 асистенции, го следеше Порзингис со 18 поени и девет скокови. На другата страна Кевин Лав стигна до 29 поени и осум скока.

Лука стана првиот играч после Оскар Робертсон во 1965 година кој на два натпревари во низа постигнал 25 или повеќе поени со 15 асистенции и 10 скокови. Ова му беше 11-ти трипл-дабл и седми со најмалку 25 поени. Со 15 асистенции стана само вториот играч во историјата на Далас кој два натпревари во низа имал толку додавања, а првиот е Џејсон Кид.

И да има само 20 години!

Победничката низа на Лос Анџелес Лејкерси (103:96) се продолжи и во Сан Антонио. Ентони Дејвис имаше 25 поени и 11 асистенции, додека Леброн оствари учинок од 21 поен, 11 асистенции и 13 скока. Кај Спарси подобар од останатите беше Мареј со 19 поени и 11 скока.

Од стартот на сезоната Лејкерси имаат пет победи и еден пораз, додека Спарси се на скор 4:2.

Во Стејплс Центарот ЛА Клиперси предводени од Ленард кој уфрли 30 поени и додаде шест скока ја совладаа Јута (105:94), додека Мајами му одржа лекција на Хјустон (129:100). Робинсон со 23 и Ленард со 21 го предводеа Мајами додека Харден уфрли 29 поени кај Хјустон, а Вестбрук само 10.