Ромелу Лукаку пристигна во Милано, кој после лекарските прегледи ќе потпише петгодишен договор со Интер.
Нероаѕурите на Манчестер Јунајтед за неговите услуги ќе плати 65 милиони евра со дополнителни бонуси, а 26-годишниот играч набрзо ќе стане член на италијанскиот великан.
Неговото заминување од Јунајтед очигледно тешко му паднало на поранашниот играч и легенда на клубот Гери Невил, кој на Твитер порача дека Лукаку има вишок килограми и е непрофесионален.
„Призна дека е претежок, има преку 100 килограми. Ќе постигнува погодоци и ќе му биде добро во Интер, но непрофесионализмот е заразен.“ – напиша Невил.
Лукаку заминува од Јунајтед после две години и со учинок од 42 погодоци во 96 настапи за Црвените ѓаволи.
Коментари
Учество во игри на среќа е дозволено за лица со 18+ години. Играј одговорно!