Луис Енрике: Подобро од Чави ја практикувам филозофијата на Барселона

ПСЖ во четвртфиналето ќе ги одмери силите со Барселона, а тоа ќе биде специјален меч за тренерот Луис Енрике.

Тој како играч и како тренер со успех ја водеше Барселона и одлично го позава клубот, но вели дека е професионален и ќе направи се да ја елиминира Барса.

„Јас и како играч за Реал играв против Барса и како играч на Барса играв против Реал. Јас сум професионалец и ќе го дадам најдоброто од себе си за ПСЖ“, изјави Луис Енрике, кој потоа одговори на прашањето кој подобро ја практикува филозофијата на Барселона.

„Без никаков сомнеж тоа сум јас. Видете го движењето на топката, головите, пресингот, освоените трофеи… Јас сум подобриот, иако некои мислат поинаку“, јасен беше Луис Енрике.