Луис Енрике за дебито на Гави: Беше уживање да се гледа, го чуваше неговиот идол

Mладиот Гави вчера стана најмладиот играч кој дебитирал во шпанската репрезентација и одигра фантастичен натпревар, после мечот селекторот Луис Енрике за него имаше само пофални зборови.

Гави дебитираше со 17 години и 62 дена и така го сруши рекордот уште од 1936 година кој го држеше Анхел Зибизарета. Енрике кој му даде шанса да испише историја по мечот не ги штедеше комплиментите.

„Убеден бев во неговите квалитети. Го познавам одамна, ненормално беше тоа како одигра, беше уживање да се гледа. Има карактер и одлични физички предиспозиции“.

Откри дека го чувал својот идол.

„Го познавам од младинските категории и добро знаев што може. Негова задача беше и да го чува Верати, неговиот идол и тоа го направи на извонреден начин. Верувам дека тој и сегашности и иднина на шпанската репрезентација“, изјави Луис Енрике.

Ќе потсетиме, Шпанија на гостински терен ја победи Италија со 1:2.