Лоши вести за нас: Американците сакаат да одат на СП и со 12 ракометари

Денес се појави вест дека Американците би можеле да го откажат учеството на Мундијалот поради 18 случаи на позитивни на коронавирус во нивната селекција. Сепак, тие не се откажуваат, а селекторот Роберт Хедин најави дека ќе одат на СП и со 12 ракометари.

И самиот Хедин е позитивен на Ковид и мора да седи во изолација, но тој е оптимист и тврди дека неговата репрезентација може да патува со 12 ракометари.

„Во Египет ќе пратиме 12 ракометари, но лошото е што немаме одбрана. Барем имаме голман“, изјави Хедин за скандинавските медиуми.

САД 12 ракометари мораат да пратат до утре затоа што во четврток го имаат првиот натпревар против Австрија.